10 SEO Tips Everyone With A Website Should Know

I’m going to start with the basics here. The following are ten things everyone with a website should know to gain online visibility in search engines. These are the basics of the basic and when applied will give you a firm basis to start a long term Search Engine Optimisation campaign. The structure of your website is important, just as much as the structure of your link building campaign. I know these may seem rehashed, but they are the building blocks for a good SEO campaign.

1) A Keyword Rich Domain. While not always possible, when setting up a new website, consider setting it up on a domain that contains the sites main keywords. Search Engines give considerable weight to a website with keywords in the URL. Never use a keyword stuffed domain (ie. www.your-key-word-here-and-another.com)

2) Title Tag.

The title tag on your page is the most powerful on page factor you can control as a webmaster. Use it wisely. Carefully choose which keywords are going to go in here and remember that it will be read by humans as well as search engines. Never stuff keywords into your title. It only devalues its weight and makes you look spammy.

3) Heading Tags.

The second most important on page factor you can control is the heading tags. Not only are they useful for search engines to determine the context of your document, it is semantically sound HTML practice.

4) Bold, Strong and Emphasis Tags.

While there is no set answer to which carries more weight, assume that both are the same. Emphasize keywords in bold using the BOLD or STRONG tags. Search engines give more weight to keywords if they are emphasized.

5) Keyword Rich Text.

It is always possible to rank for search terms when they are not on your page but using them sparingly will only help increase your search engine visibility for these keywords and

6) Structured Navigation And Correct Internal Navigation.

Make it easy for search engines to index your entire site. Use a text link navigation. I this is not possible, use a sitemap or second text navigation in the footer of your site.

7) Keyword Rich Internal Links.

Use your sites main keywords in the anchor text when linking to pages within your site. This not only describes the link to your visitors, it also lets the search engines know what content is on the page being linked to.

8) Avoid Flash.

While some search engines claim that they can index some flash content, it is still in its infancy. An entire website does not need to be built in flash. Use it wisely and make sure any text that is output by flash is rendered as HTML text so search engines can see it. If possible, avoid flash completely.

9) Avoid Duplicate content.

Search Engines do not like duplicate content. Make sure all the content on your website is different on all pages. Many navigation elements, headers, footers etc. is the same, but make sure that each page has marginally more unique content. Some search engines give a penalty for duplicate content, while others just ignore it. Just make your content unique. If anything else, it benefits your site visitors.

10) Keyword Rich, Relevant Inbound Links.

A relevant, keyword rich inbound link is the holy grail of online marketing. There are many ways to get quality inbound links to your website. Directory Submissions, Article writing/marketing, Press Releases, Posting in forums and blogs, Link Exchanges. Obtaining inbound links is the undisputed king of SEO tactics.

We will be going into more detail on each of the above methods over the coming weeks. Am I missing any? What other basic SEO tips are essential to today’s SEO?

“அறுபத்து நான்காவது நாயன்மார்“ முனைவர் சி.சேதுராமன்

பெரியபுராணம் அறுபத்து மூன்று சிவனடியார்களின் வாழ்க்கை வரலாற்றைக் கூறுகின்றது. இத்தகைய அடியார்கள் சிவனருள் பெற்று மானிட குலத்தைச் சிறப்பித்து ஈடேற்றியவர்களாவர். இச்சிவனடியார்களுள் ஒருவராக வைத்து போற்றத்தக்கவர் திருமுருக கிருபானந்த வாரியார் ஆவார். அவர் சிறந்த முருக பக்தர். நாள்தோறும் ஆன்மீக சொற்பொழிவுகளை நிகழ்த்துவதையே தவமாகக்கொண்டு வாழ்ந்தவர். சமயம், இலக்கியம், மட்டுமன்றி பேச்சுத்திறன், எழுத்துத்திறன், இசை போன்று பல துறைகளிலும் ஆழ்ந்த புலமை பெற்றவர். “அருள்மொழி அரசு”, என்றும் “திருப்புகழ் ஜோதி” என்றும் அனைவராலும் பாராட்டப்பட்டவர். சொற்பொழிவின் மூலம் ஈட்டிய பொருள் அனைத்தையும் கோவில் திருப்பணிகளுக்காகச் செலவிட்டவர் வாரியார் ஆவார். தனிப்பட்ட முறையில் அதிகமாக திருப்பணிகளுக்கு வாரிவழங்கிய வள்ளல் கிருபானந்தவாரியாரே ஆவார்.
தமக்கென்று எதனையும் சேர்த்து வைக்காத பெருந்தகையான கிருபானந்த வாரியார் தமிழ் நாட்டிலுள்ள காட்பாடிக்கு அருகில் பாலாற்றங்கரையில் அமைந்துள்ள காங்கேயநல்லூர் என்னும் சிற்றூரில் செங்குந்த வீர சைவ மரபில், மல்லையதாசருக்கும், கனகவல்லி அம்மையாருக்கும் நான்காவது குழந்தையாக 1906 –ஆம் ஆண்டு ஆகஸ்ட் 25-ஆம் நாள் அவதரித்தவர். இவரது இயற்பெயர் கிருபானந்த வாரி என்பதாகும்.

கல்வியும்-மணமும்

வாரியாருக்கு மூன்று வயது முடிகின்றபோதே அவருடைய தந்தையார், குருவாக இருந்து அவருக்குக் கல்வி கற்பித்தார். வாரியாரைப் பள்ளிக்கு அனுப்பாமல் அவருக்கு வீட்டிலேயே பாடங்களைக் கற்பித்தார் என்பது நோக்கத்தக்கது. நன்னூல் முதலான இலக்கண நூல்களையும், தேவாரம், நளவெண்பா, ஒளவையாரது நூல்கள், திருப்புகழ்க் கீர்த்தனைகள் முதலானவற்றையும் வாரியாருக்குக் கற்பித்து, அவற்றை மனப்பாடம் செய்து ஒப்பிக்கச் செய்தார். கீர்த்தனைகள், இலக்கியங்கள், இலக்கணங்கள் மட்டுமின்றி வாரியாருக்கு அவரது தந்தையார் வரலாற்றுப் பாடல்களையும் கற்பித்தார். வாரியாருக்குப் பன்னிரண்டு வயது நிரம்பியபோதே தேவாரம், திருப்புகழ், திருவருட்பா, கந்தபுராணம், கம்பராமாயணம், வில்லிபாரதம் முதலான நூல்களில் பத்தாயிரம் பாடல்களுக்கு மேல் அவர் மனப்பாடம் செய்துவிட்டார் என்பது குறிப்பிடத்தக்கது. இவ்வாறு மனப்பாடம் செய்ததுதான் தம் வாழ்நாளில் தாம் அடைந்த பெருஞ்செல்வம் என்று வாரியார் குறிப்பிடுகிறார். ஐந்தாவது வயதில் திருவண்ணாமலையில் வீர சைவ குல முறைப்படி பாணிபாத்திர தேவர் மடத்தில் சிவலிங்க தாரணம் செய்விக்கப்பெற்றார். வாரியார் சுவாமிகள் அமிர்தலட்சுமியை தனது பத்தொன்பதாவது வயதில் மணந்தார்.

வாரியார் இளைஞனாக இருந்தபோது, அவருடைய தந்தையார் ஒரு நவராத்திரி விழாவில், மைசூருக்கு அவரை அழைத்துச் சென்று வீணை சேஷண்ணாவிடமிருந்து ஒரு வீணை வாங்கிக் கொடுத்தார். பின்னர் சென்னையில் நாட்டுப் பிள்ளையார் கோயில் தெருவில் வசிக்கும் ஓர் இசை ஆசிரியரிடம் வீணை கற்றுக் கொள்ள ஏற்பாடு செய்தார். வாரியாருக்கு 23 வயதானபோது, சென்னையில் உள்ள யானைக்கவுனி தென்மடம் பிரம்மஸ்ரீ வரதாசாரியாரிடம் ஏறத்தாழ நான்கு ஆண்டுகள் வீணைப் பயிற்சி பெற்றார்.

இசைச் சொற்பொழிவாற்றல்

தன் தந்தையின் வழியில் வாரியார் சுவாமிகள் தமது 15-ஆம் வயதிலிருந்தே சொற்பொழிவு செய்யும் திறம் உடையவரானார். வாரியார் தமது 19-ஆம் வயதிலிருந்தே தனியாகப் புராணச் சொற்பொழிவுகள் செய்யத் தொடங்கினார். அவருடைய சொற்பொழிவுகள் பெரும்பாலும் பேச்சு வழக்கை ஒட்டியே அமைந்திருந்த காரணத்தால், பாமர மக்களும் அவரது உரையை மனம்மகிழ்ந்து கேட்டனர். அவர் தமது “ஆன்மிகச் சொற்பொழிவில் அனைவரும் புரிந்துகொள்ளும் விதமாக வேதாந்த உண்மைகளையும் சிந்தாந்தக் கருத்துகளையும் கூறினார். பண்டிதர் முதல் படிப்பறிவில்லாதவர் வரை அனைத்துத் தரப்பினரும் அவருடைய சொற்பொழிவுகளை செவிமடுத்து மகிழ்ந்தனர்.

தனது இசை ஞானத்தால் அவர் இசைச் சொற்பொழிவு செய்யும் பொழுது திருப்புகழ், தேவாரம், திருவாசகம் முதலான தோத்திரப்பாக்களை இன்னிசையுடன் பாடினார். அவருடைய இசை ஞானத்தைப் பாராட்டி, சென்னைத் தமிழிசை மன்றத்தினர் அம்மனத்தின் வெள்ளி விழாவின் போது அவருக்கு, “இசைப் பேரறிஞர்” பட்டம் வழங்கிச் சிறப்பித்தனர்.

சுவாமிகள் தமிழோடு சைவ சித்தாந்தத்திலும் பெரும் புலமை பெற்றவர். அதுமட்டுமின்றி மிகச்சிறந்த நினைவாற்றலும் நாவன்மையும் பெற்றவர். அவர் கூறும் நுட்பங்களைக் கேட்ட அறிஞர்கள் இதுகாறும் இதனை அறியவில்லையே என்று அவரை வியந்து பாராட்டினார்கள். ‘‘வாரியார் வாக்கு கங்கை நதியின் வெள்ளப்பெருக்கைப் போலப் பெருக்கெடுத்தோடுகிறது; மிக உயர்ந்த முத்துக்கள் அவர் வாக்கிலிருந்து உதிர்கின்றன“ என்று அறிஞர்கள் அவரைப் புகழ்ந்தார்கள்.

அவருடைய சொற்பொழிவுகளின் நாடக முறையிலான தன்மை அனைவரையும் கவரும். அவரது சொற்பொழிவுகளுக்கிடையிடையே குட்டிக் கதைகள் வரும். நகைச்சுவையும் நடைமுறைச் செய்திகளையும் நயம்படச் சொல்வதும் வாரியாருக்குரிய சிறப்பியல்புகளாகும்.ஒருமுறை சொற்பொழிவின்போது வாரியார் சுவாமிகள் தமக்கு எதிரே அமர்ந்திருந்த ஒரு சிறுவனைப் பார்த்து, ‘நீ உனது வீட்டில் எத்தனையாவது குழந்தை? என்று கேட்டார். அதற்கு அச்சிறுவன் ‘‘நான்தான் எனது வீட்டில் கடைசிக் குழந்தை” என்று கூறினான். அதனைக் கேட்ட வாரியார், ‘‘தம்பி நீதான் உன்வீட்டில் கடைசிக் குழந்தை என்பதை நீ முடிவு செய்து சொல்லக் கூடாது. அதனை உனது தந்தையார்தான் முடிவு செய்வார்” என்று கூறவே அவையினர் அனைவரும் மகிழ்ந்து சிரித்தனர்.

வாரியாருடைய சொற்பொழிவுகளால் மக்களுக்குத் தெய்வ நம்பிக்கை அதிகமாயிற்று. நாத்திகம் தளர்ந்தது; மக்களிடையே உயர்ந்த மதிப்பீடுகள் உருவாகின. ஒருமுறை திருப்பரங்குன்றத்தில் வாரியார் சுவாமிகள் சொற்பொழிவு நிகழ்த்தியபோது கூட்டத்தில் இருந்த ஒருவர் எழுந்து நின்று, ஐயா இத்திருப்பரங்குன்றத்தை சிக்கந்தர் மலை என்று பெயர் மாற்றம் செய்யவேண்டும் என்று இஸலாம் சமயத்தைச் சார்ந்தோர் கோரிக்கை விடுத்துள்ளனர். இது தவறல்லவா. இது குறித்துத் தங்களின் கருத்து என்ன? தாங்கள் இதற்கு என்ன கூறவிழைகின்றீர்கள்? என்று கேட்டார். அதற்கு வாரியார், இதில் என்ன தவறு இருக்கின்றது. அவர்கள் சிக்கந்தர் மலை என்று பெயர் வைத்தால் வைத்துக் கொள்ளட்டுமே. என்று கூற அனைவரும் அது எவ்வாறு பொருந்தும் என்ன சுவாமி தாங்களே இவ்வாறு கூறினால் மற்றவர்கள் இதனை எவ்வாறு பொருத்துப் போவார்கள்? சமுதாயத்தில் குழப்பம் ஏற்பட்டு சமயச் சண்டையாக இது மாறிவிடாதா? என்று கேட்டனர். இதனைக் கேட்ட வாரியார், முருகனின் தந்தையார் பெயர் என்ன? சிவபெருமான். முருகனுக்கு வழங்கும் வேறு பெயர் என்ன? கந்தன். இதனைத்தான் சி.கந்தன், சிக்கந்தர் என்று குறிப்பிட்டு சிக்கந்தர் மலை என்று கூற முற்படுகின்றனர். இதில் தவறில்லை என்று கூற, கூட்டத்தினர் ஆராவாரித்து மகிழ்ந்தனர். வேறுபட்ட இந்த விடையானது மக்களைச் சிந்திக்கச் செய்தது. இறைவன் ஒருவரே என்ற எண்ணத்தையும் அவர்களின் உள்ளத்தில் விதைத்தது.

மழையை நாடியிருக்கும் சகோரம் என்ற பறவைபோல அவரது சொற்பொழிவைக் கேட்டு இன்புறுவதற்காக ஆயிரக்கணக்கான மக்கள் கூடியிருப்பார்கள். சுவாமிகள் திருமுருகாற்றுப்படை, திருவாசகம், தேவாரம், திருப்புகழ், கந்தர் அலங்காரம், கந்தர் அநுபூதி, வேல் விருத்தம், மயில் விருத்தம், திருவகுப்பு, திருவருட்பா முதலான தோத்திர நூல்களில் இருந்து பல பாடல்களை, பாடல் வரிகளை தம்முடைய சொற்பொழிவுகளில், ஏற்ற இடங்களில் தட்டுத் தடங்கல் இல்லாமல் இசையோடு பாடுவார். சபையினர் மெய்மறந்து கேட்டுப் பரவசமடைவார்கள்.

பத்திரிக்கைப் பணி

வாரியார் சுவாமிகள் நிகழ்த்தி வந்த திருப்புகழ் விரிவுரைகளைச் செவிமடுத்து இன்புற்ற மக்கள் திருப்புகழ் விரிவுரையை நூலாக எழுதி உதவ வேண்டுமென்று கேட்டுக் கொண்டார்கள். சுவாமிகள் 1936-ஆம் ஆண்டு தைப்பூச விழாவுக்கு வடலூர் சென்றிருந்த சமயம், சத்திய ஞான சபையில் அமர்ந்து “திருப்புகழ் அமிர்தம்’ என்ற மாதப் பத்திரிகையை வெளியிடக் கருதி “கைத்தல நிறைகனி’ என்று தொடங்கும் திருப்புகழ் பாவுக்கு உரை எழுதினார். அது முதல் திருப்புகழ் அமிர்தம் திங்கள் இதழாகப் பிரசுரமாகத் தொடங்கியது.

சுவாமிகள் அந்தப் பத்திரிகையை முப்பத்தேழு ஆண்டுகள் தொடர்ந்து நடத்தினார். அந்தப் பத்திரிகையில் ஒவ்வொரு மாதமும் ஒவ்வொரு திருப்புகழ் பாடலுக்கு விளக்கவுரையும், கந்தர் அலங்கார உரையும், கற்பு நெறிக்கதையும், வேறு பல கட்டுரைகளும் எழுதப்பட்டன. அந்தப் பத்திரிகையில் வெளிவந்த கட்டுரைகள் பின்னர் தொகுக்கப்பட்டு தனித்தனி நூல்களாகப் பிரசுரமாயின.

வாரியார் சுவாமிகள், சாதாரணமாக எழுதப் படிக்கத் தெரிந்த பாமர மக்களும் புரிந்து கொள்ளும்படியாக 500-க்கும் மேற்பட்ட ஆன்மிக மணம் கமழும் கட்டுரைகள் வரைந்துள்ளார். அவையாவும் இலக்கியத்தரம் வாய்ந்தவை மட்டுமன்றி, தெள்ளத் தெளிந்த நீரோட்டம் போன்ற நடையில் அமைந்தவை.

தமிழ்ப்பணி

வாரியார் ஏறத்தாழ நூற்றைம்பது நூல்களை எழுதியுள்ளார். அவற்றுள் சிவனருட்செல்வர், கந்தவேள் கருணை, இராமகாவியம், மகாபாரதம் ஆகியவை சிறப்பாகக் குறிப்பிடத்தக்கவை. கேட்கும் செவிக்கும் கற்கும் சிந்தைக்கும் இன்பம் பயக்கும் அவரது சொற்பொழிவுகளுள் 83 சொற்பொழிவுகள் குறுந்தகடுகளாக வந்துள்ளன.

“ஐந்தில் வளையாதது ஐம்பதில் வளையாது’ என்பதை உணர்ந்து நாம் நம் குழந்தைகளுக்கு “தாத்தா சொன்ன குட்டிக்கதைகள்’ என்ற நூலை அவர் படைத்தார்.

20-ஆம் நூற்றாண்டின் இரண்டாவது அருணகிரிநாதராக விளங்கியவர் பாம்பன் சுவாமிகள், அவர் கடுந்துறவி. சண்முகநாதனை மும்முறை நேரில் தரிசித்த மகான். சென்னை நம்புல்லையர் தெருவில் மேல்மாடியில் ஒரு கீற்றுக் கொட்டகையில் பாம்பன் சுவாமிகள் வீற்றிருந்த சமயம், வாரியார், சுவாமிகளை அங்கு தரிசனம் செய்தார். வாரியார் சுவாமிகள் ஒருமுறை விரிவுரை செய்வதற்காக திருநாரையூர் சென்றிருந்தபோது, விடியற்காலையில் பாம்பன் சுவாமிகள் தம்முடைய கனவில் தோன்றித் தமக்கு சடக்கரமந்திரத்தை உபதேசம் செய்ததாகத் தம் வாழ்க்கை வரலாற்று நூலில் எழுதியுள்ளார். பாம்பன் சுவாமிகளின் வாழ்க்கை வரலாற்றையும் வாரியார் எழுதியுள்ளார். இவர் இயற்றியுள்ள வெண்பாக்கள் ஆயிரத்துக்கும் மேல் இருக்கும்.

தாமே சிவாகம விதிப்படி தீட்சை பெற்றுக் கொண்டதுமன்றி, பக்குவப்பட்ட பிறருக்கும் தீட்சை அளித்தமையால், ஞானாசிரியராகவும், மிகச்சிறந்த ஆன்மிகச் சொற்பொழிவாளராகவும், பத்திரிகை ஆசிரியராகவும், பல பாராயண நூல்களுக்கு விளக்கவுரை எழுதிய உரையாசிரியராகவும், கட்டுரை ஆசிரியராகவும், சிறுகதை எழுத்தாளராகவும், அரிய பனுவல்கள் பல இயற்றியுள்ள நூலாசிரியராகவும் விளங்கியமையால் திருமுருக கிருபானந்த வாரியார் சுவாமிகள், இந்திய இலக்கியச் சிற்பிகளுள் சிறந்த இடம் பெறுகிறார் என்பது வெள்ளிடை மலைபோலத் தெள்ளிதின் விளங்கும்.

இறைப்பணியும், முக்தி பெறலும்

தமது சொற்பொழிவின் வாயிலாக் கிடைத்த அனைத்துச் செல்வங்களையும் இறைப்பணிக்கே வாரியார் செலவிட்டார். தமக்கென்று எந்த ஒரு பொருளையும் அவர் வைத்துக் கொண்டதே கிடையாது எனலாம். வயலூர் முருகனிடம் மிகுந்த ஈடுபாடு கொண்டு விளங்கினார். அக்கோயிலின் திருப்பணியை முன்னின்று நடத்தினார். அக்கோயில் மட்டுமின்றி தமிழகத்தில் உள்ள பல முருகன் திருத்தலங்களையும் புதுப்பித்து கோயில் திருப்பணி செய்தார். இவ்வாறு அவர் செய்த்தால் தான் அவரை திருப்பணிச் செம்மல் என்று அனைவரும் போற்றிப் புகழ்ந்தனர். கிருபானந்த வாரியார் கந்தவேளை எந்த வேளையும் மறவாது வணங்கி முருகன் அருள் பெற்ற அடியவராகத் திகழ்ந்தார். எங்கு சென்றாலும், எந்தச் சூழலில் வாழ்ந்தாலும் முருகனை வழிபடாது எந்தப் பணியையும் அவர் தொடங்க மாட்டார். மலேசியா, சிங்கப்பூர் உள்ளிட்ட பலநாடுகளுக்கும் சென்று தமிழ்த் திருப்பணி ஆற்றியவர் வாரியாராவார்.

இங்ஙனம் இசையாலும், தமிழாலும், இசையாதவரையும் இசைவித்த திருமுருக கிருபானந்த வாரியார், 1993-ஆம் ஆண்டு அக்டோபர் 19-ஆம் நாள் லண்டன் பயணமானார். ஆன்மிகத்துக்காகவே பாடுபட்ட வாரியார் சுவாமிகள், 1993-ஆம் ஆண்டு நவம்பர் 7-ஆம் நாள் தமது விமானப் பயணத்திலேயே கந்தவேளின் திருவடிகளில் கலந்தார். அவரது இறப்பு பூமியில் நிகழவில்லை என்பது நோக்கத்தக்கது. வாழ்நாள் முழுவதும் தமது இறைப்பணியிலும், சமுதாயப் பணியிலும் சிறந்து விளங்கிய கிருபானந்த வாரியார் இறைவனுடன் இரண்டரக்கலந்து அறுபத்து நான்காவது நாயன்மாராக என்றும் விளங்கிக் கொண்டிருக்கின்றார்.

ஆன்மீகச் செல்வர்கள் அனைவரும் வாரியாரை அறுபத்து நான்காவது நாயன்மாராகவே கருதி இன்றும் அவரை வழிபட்டு வருகின்றனர் என்பது குறிப்பிடத்தக்கது. அறுபத்து மூன்று நாயன்மார்களின் வாழ்க்கை வரலாறு எவ்வாறு நமது நெஞ்சங்களில் நின்று நிலைத்து விளங்குகின்றதோ அதனைப்போன்று அறுபத்து நான்காவது நாயன்மாராகிய வாரியாரின் வரலாறும் நமது நெஞ்சில் நிலைத்து நின்று நமதுவாழ்க்கைக்கு வழிகாட்டும் எனலாம்.

முனைவர் சி.சேதுராமன்,
இணைப்பேராசிரியர்,
தமிழ்த்துறை,
மா.மன்னர் கல்லூரி, புதுக்கோட்டை.
E. Mail: Malar.sethu@gmail.com

சார்லி சாப்ளின் (சிரிப்பு ஜீனியஸ்) - வரலாற்று நாயகர்

வாய்விட்டு சிரித்தால் நோய்விட்டு போகும் என்பார்கள் அப்படிப்பார்த்தால் நம்மை வாய்விட்டு சிரிக்க வைப்பவர்களை மருத்துவர்களுக்கு சமம் என்று சொல்லலாம். உலகில் அதிக மக்களை சிரிக்க வைத்த நபர் யார் என்று கேட்டால் ஒரே ஒரு நபரைத்தான் வரலாறு புன்னைகையுடன் உதிர்க்கும். அவர்தான் ஈடு இணையற்ற ஆங்கில நகைச்சுவை நடிகர் சார்லி சாப்ளின். இன்று திரைப்படங்களில் வசனங்களை கேட்டு சிரிக்கிறோம் ஆனால் ஊமைப்படங்கள் மட்டுமே வெளிவந்த ஒரு கால கட்டத்தில் மொழியின் துணையின்றி வசனம் எதுவும் பேசாமால் தன் உடல் அசைவுகளாலே ரசிகர்களை வயிறு குலுங்க சிரிக்க வைத்தவர்தான் சார்லி சாப்ளின்.

பல்லாயிரக்கணக்கான திரை ரசிகர்களுக்கு நகைச்சுவை எனும் மருந்து தந்த அந்த மாபெரும் கலைஞனின் வாழ்க்கை எவ்வளவு சோகம் நிறைந்தது தெரியுமா? சோகத்திலும் சிரித்த அந்த உன்னத கலைஞனின் கதையைத் தெரிந்துகொள்வோம்.

1889 ஏப்ரல் 16 ந்தேதி லண்டனில் பிறந்தார் சார்ல்ஸ் ஸ்பென்சர் சாப்ளின், அவரது பெற்றோர்கள் மேடை இசை கலைஞர்கள், மிகவும் ஏழ்மையான நிலையில் இருந்தவர்கள். மேடைக்கச்சேரிகளில் சம்பாதிக்கும் பணத்தையெல்லாம் குடித்தே தீர்த்தார் தந்தை அதன் பலன் நடக்க பழகும் முன்பே நடனமாடவும் பாட்டு பாடவும் கற்பிக்கப்பட்டான் சிறு வயது சாப்ளின். 5 வயதே ஆனபோது சார்லி சப்ளினின் முதல் மேடை அரங்கேற்றம். தாய் நோய்வாய்ப்பட்டதால் பையனை மேடைக்கு தள்ளினார் தந்தை மிரண்டுபோன சாப்ளின் மேடையில் ஏறி தனக்குத்தெரிந்த ஒரே பாடலை திரும்ப திரும்ப பாடினார் அதனால அவரை மேடையிலிருந்து இழுத்துச்செல்லும் நிலைமை ஏற்பட்டது.

அடுத்து தந்தையும் தாயும் பிரிந்தனர். குடித்து குடித்தே தந்தை இறந்து போனார். தாயாருக்கு அடிக்கடி உடல் நலமின்றி போனது சாப்ளினும் அவரது அண்ணன் சிட்னியும் அநாதை இல்லத்தில் சேர்க்கப்பட்டனர். 7 வயதானபோது சாப்ளின் ஒரு இசைக்குழுவில் சேர்ந்து பணியாற்றினார் ஆனால் அந்த குழு ஓராண்டில் கலைக்கப்பட்டது. அண்ணன் சிட்னி கப்பலி வேலை பார்க்க சென்று விட்டதால் சில ஆண்டுகளை தனிமையில் கழித்தார் சாப்ளின். 14 ஆவது வயதில் ஒரு மேடை நாடகத்தில் நடிக்கும் வாய்ப்பு அவருக்கு கிடைத்தது. அதனை நன்கு பயன்படுத்திக்கொண்டார். பத்திரிகைகள் அவரது நடிப்பை பாராட்டின. பின்னர் சாப்ளினும் அண்ணன் சிட்னியும் புகழ்பெற்ற ஃபெட்கானோ குழுவில் சேர்ந்தனர் அந்த குழு அமெரிக்காவுக்கு சென்று மேடை நாடகங்களை நடத்தியது. அதில் நடித்த சாப்ளின் பெயர் திரையுலகத்தின் கவனத்தை ஈர்த்தது.

1913 ஆண்டு 24 ஆவது வயதில் 'கி ஸ்டோன் பிலிம் ஸ்டுடியோ’ என்ற அமெரிக்க திரைப்பட நிறுவனம் சாப்ளினுக்கு நல்ல வாய்ப்பை வழயங்கியது. சாப்ளின் அமெரிக்காவுக்கு குடி பெயர்ந்தார் 'மேக்கிங் எ லிவிங்’ என்ற தனது முதல் திரைப்படத்தில் ஒரு கருப்பு கோட்டும் பெரிய தொப்பியும் நீர் யானை மீசையும் கண்ணாடியும் அணிந்து நடித்தார் பின்னாளில் அதுவே சாப்ளினின் அடையாளமானது. தனது 25 ஆவது வயதிலேயே '20 minutes of love’ என்ற முதல் படத்தை இயக்கினார் சாப்ளின் அதன்பிறகு பல படங்கள் அவரது கைவண்ணத்தில் உருவாகின. தனது எல்லா படங்களிலும் எல்லோரையும் சிரிக்க வைத்த சாப்ளினின் திருமண வாழ்வில் கசப்புக்கு மேல் கசப்பு ஏற்பட்டது.

1918 ஆம் ஆண்டு 16 வயது நடிகை மேன்றோ ஹெரிசை காதலித்து மணந்து கொண்டார் அடுத்த ஆண்டு அவர்களுக்கு பிறந்த குழந்தை மூன்றே நாட்களில் இறந்து போனது. பின்னர் இருவரும் விவாகரத்து செய்து கொண்டனர் 1924 ல் மீண்டும் ஒரு நடிகையை இரண்டாவது முறையாக திருமணம் செய்து கொண்டார் இரண்டு குழந்தைகள் பிறந்தாலும் அந்த திருமணம் மூன்று ஆண்டுகள்தான் நீடித்தது. அதன் பின்னர் பாலத் கடாட் என்ற நடிகையை மணந்து கொண்டு அவரையும் விவாகரத்து செய்தார். இறுதியாக உனா உனில் என்ற பெண்ணை மணந்துகொண்ட பின்னர்தான் ஏழு பிள்ளைகளை பெற்று மகிழ்ச்சியாக வாழ்ந்தார் சாப்ளின்.

சாப்ளினின் முதல் முழு நீள திரைப்படமான தி கிட் 1921 ல் வெளிவந்தது தனது ஆரம்ப வாழ்கையை அதில் சித்தரித்திருந்தார் அதனால் அந்த படம் மிகப்பெரிய வெற்றி பெற்று சாப்ளினுக்கு பெரும் புகழை சேர்த்தது. 1925 ல் 'தி கோல்ட் ரஷ்’ என்ற அவரது படம் வெளியாகி சாப்ளினின் புகழை புதிய உச்சத்துக்கு கொண்டு சென்றது அந்த படத்தின் மூலம்தான் நான் நினைவு கூறப்பட விரும்புகிறேன் என்று அவரே ஒருமுறை கூறியிருக்கிறார். அதன் பிறகு பல புகழ்பெற்ற படங்களை தந்தார் சாப்ளின் பல ஆண்டுகள் அமெரிக்காவில் இருந்தும் அவர் பிரிட்டிஷ் குடியுரிமையை விட்டு கொடுக்க வில்லை மேலும் அவர் கம்யுனிஷ்டுகளை ஆதரிப்பவர் என்ற சந்தேகம் அமெரிக்காவில் நிலவியது அந்த சந்தேகம் அவரது வாழ்க்கையை திசை திருப்பியது.

1951 ல் 'தி லைம் லைட்’ என்ற புகழ்பெற்ற படத்தை தந்த சாப்ளின் அது வெளியான பிறகு தனது மனைவி பிள்ளைகளுடன் விடுமுறைக்காக இங்கிலாந்து சென்றார் அந்த சந்தர்பத்தை பயன்படுத்தி சாப்ளின் இனி மீண்டும் அமெரிக்காவுக்கு நுழைய முடியாது என்று அறிவித்தது அமெரிக்க அரசாங்கம் 'Los Angeles walk of fame’ என்ற நட்சத்திர பட்டியலில் இருந்து சாப்ளினின் பெயர் நீக்கப்பட்டது. ஆனால் மனம் தளராத சாப்ளின் சுவிட்ஷர்லாந்தில் குடியேறி தொடர்ந்து படம் செய்ய ஆரம்பித்தார். 1964 ஆம் ஆண்டு தனது சுய சரிதையை வெளியிட்டார். 1967 ல் அவர் இயக்கிய கடைசிப்படம் வெளிவந்தது 1972 ஓர் அதிசயம் நிகழ்ந்தது திரைத்துறையில் பல உன்னத படைப்புகளை தந்தவர் என்பதையும் மறந்து எந்த தேசம் அவரை தனது எல்லைக்குள் மீண்டும் நுழைய கூடாது என்று கட்டளையிட்டதோ அதே அமெரிக்க தேசம் 20 ஆண்டுகள் கழித்து சாப்ளினை மீண்டும் திறந்த கைகளுடன் வரவேற்றது.

அதே ஆண்டில் அவருக்கு அமெரிக்காவில் அகாடமி விருது விழாவில் வாழ்நாள் சாதனையாளர் விருது வழங்கி கவுரவிக்கப்பட்டது அதோடு 'Los angeles walk of fame’ என்ற நட்சத்திர பட்டியலில் இருந்து சாப்ளினின் பெயர் மீண்டும் சேர்க்கப்பட்டது. 1974 ஆம் ஆண்டு தனது இரண்டாவது புத்தகத்தை வெளியிட்டார் சாப்ளின் அதற்கு அடுத்த ஆண்டு அவருக்கு சர் பட்டம் வழங்கி கவுரவித்தார் எலிசபெத் ராணியார் 1977 ஆம் ஆண்டு கிறிஸ்மஸ் தினத்தன்று தனது 88 ஆவது வயதில் காலமானார் சார்லி சாப்ளின். அதுவரை சார்லி சாப்ளினை பார்த்து சிரிக்க மட்டுமே கற்றுக் கொண்டிருந்த உலகம் அன்று அவரை பார்த்து முதன் முறையாக அழுதது.

"உண்மையாக சிரிக்க வேண்டுமென்றால் உங்கள் வலியை வைத்துக்கொண்டு நீங்கள் விளையாட வேண்டும், வலிக்கு உண்மையான நிவாரணமும் சரியான ஊட்ட மருந்தும் சிரிப்புதான்"

என்று கூறுகிறார் சாப்ளின். அதை கூறியது மட்டுமல்ல அதனை வாழ்ந்தும் காட்டினார். இன்று வாய்விட்டு சிரிக்க நினைக்கும் மில்லியன் கணக்கானோர் சார்லி சாப்ளினின் பழைய படங்களை பார்க்கின்றனர். இது ஒன்றே அந்த மாபெரும் கலைஞன் இந்த உலகிற்கு விட்டு சென்றிற்கும் மாபெரும் சொத்தாகும்.

'இடுக்கண் வருங்கால் நகுக' என்ற திருக்குறளின் வரியை நாம் கேள்வி பட்டிருப்போம். ஒரு சோகமான குடும்ப பின்னணியில் உதித்தாலும் நகைச்சுவை எனும் ஆயுதத்தை கொண்டு பல்லாயிரக்கணக்கானோர் சோகங்களை விரட்டியடித்தவர் சார்லி சாப்ளின். குடும்ப பின்னனி சரியாக இல்லாவிட்டாலும் வானத்தை வசப்படுத்தலாம் என்பதை வாழ்ந்து காட்டியவர் சார்லி சாப்ளின். சார்லி சாப்ளினைப்போலவே நமது குடும்ப பின்னணி எதுவாக இருந்தாலும் மனம் தளராமலும் விடா முயற்சியோடும் கடுமையாக உழைத்தால் எந்த வானத்தையும் வசப்படுத்த முடியும் என்பதுதான் சார்லி சாப்ளின் நமது காதோரம் சொல்லும் உண்மை.

சாம்சங் இன்ப்யூஸ் 4ஜி- எச்டிசி இவோ 4ஜி ஸ்மார்ட்போன்களின் ஒப்பீடு

ஸ்மார்ட்போன் சந்தையில் முன்னணி நிறுவனங்களுக்கான சந்தைப்போட்டி முடிவுக்கு வருவதாக தெரியவில்லை. அந்த அளவுக்கு புதிய அம்சத்துடன் ஸ்மார்ட்போனை ஒரு நிறுவனம் வெளியிட்டால், அடுத்த வாரமே அதே புதிய அம்சங்களுடன் புதிய ஸ்மார்ட்போனை மற்றொரு நிறுவனம் அறிமுகம் செய்துவிடுகிறது.

ஸ்மார்ட்போன் சந்தையில் நோக்கியா, சாம்சங், எச்டிசி மற்றும் சோனி எரிக்சன் ஆகிய நிறுவனங்கள் முக்கிய பங்கு வகிக்கின்றன. இந்த நிலையில், சந்தையில் ஒரே அம்சங்கள் கொண்ட சாம்சங் இன்ப்யூஸ் 4ஜி மற்றும் எச்டிசி இவோ 4ஜி ஆகிய ஸ்மார்ட்போன்களின் சிறப்பம்சங்கள் பற்றிய ஓர் ஒப்பீட்டு அலசல்.

திரை:

இரண்டு போன்களும் தொடுதிரை (டச்ஸ்கிரீன்) மூலம் இயக்கும் வகையில் வடிவமைக்கப்பட்டுள்ளது. இரண்டும் அகன்ற திரையை கொண்டிருந்தாலும், சிறிய வித்தியாசம் உள்ளது. சாம்சங் இன்ப்யூஸ் 4ஜியில் 4.3 இஞ்ச் திரையும், எச்டிசி இவோ 4ஜியில் 4.5 திரையும் கொண்டிருக்கிறது.

பொழுதுபோக்கு அம்சங்கள்:

இரண்டு போன்களும் அனைத்து நவீன தொழில்நுட்பங்களுடன் கூடிய பொழுதுபோக்கு அம்சங்களை கொண்டிருக்கின்றன. ரெக்கார்டிங், ப்ளேபேக், எம்பி3, ஏஏசி+ உள்ளிட்ட அனைத்து மியூசிக் பார்மெட்டுகளையும் இயக்கலாம்.

ஆடியோ:

ஆனால், சாம்சங் இன்ப்யூசை விட எச்டிசியின் ஸ்பீக்கர்கள் துல்லியமான ஒலியை வழங்குகிறது. தவிர, இரண்டு போன்களிலும், ஹோம்தியேட்டருடன் இணைத்துக்கொள்ளும் வகையில் ஆடியோ ஸ்லாட் கொடுக்கப்பட்டுள்ளது.

கேமரா:

இரண்டு போன்களும் ஒரே கான்பியூகிரேஷன் கொண்ட 8 மெகாபிக்செல் கேமரா பொருத்தப்பட்டுள்ளன. எச்டிசி இவோ 4ஜியில் எல்இடி பிளாஷ் வசதி உள்ளது. ஆனால், சாம்சங் இன்ப்யூஸ் 4ஜியில் எல்இடி பிளாஷ் இல்லை.

தவிர, இரண்டு போன்களிலும் முகப்பு கேமரா இல்லை. இதனால், வீடியோ காலிங் வசதியை பெறமுடியாது என்பது மிகப்பெரிய மைனஸ் பாயிண்ட்.

தகவல் பரிமாற்றம்:

இரண்டு போன்களிலும் புளூடூத், வை-பை கனெக்ஷன் மற்றும் கம்ப்யூட்டருடன் இணைப்பதற்கான வசதிகளை கொண்டுள்ளன. இரண்டு போன்களிலும் நவீன தொழில்நுட்பங்கள் அப்லோடு செய்யப்பட்டுள்ளதால், அதிவேக தகவல் பரிமாற்ற வசதியை பெற முடிகிறது.

ஆப்பரேட்டிங் சிஸ்டம்:

இரண்டு போன்களிலும் ஆன்ட்ராய்டு 2.2 ப்ரோயோ ஓ.எஸ் அப்லோடு செய்யப்பட்டுள்ளது.

இன்டர்நெட் வசதி:

எச்டிசி இவோவில் வைமேக்ஸ் இன்டர்நெட் கனெக்ட்டிவிட்டியை பெற முடியும். அதேவேளை, சாம்சங் இன்ப்யூஸ் 4ஜியில் உள்ள ஜிபிஆர்எஸ், எட்ஜ், எச்எஸ்டிபிஏ மற்றும் எச்எஸ்பிஏ வசதிகள் எச்டிசி இவோ 4ஜியில் இல்லை.

இரண்டு போன்களும் ஒரே விலையில் விற்பனை செய்யப்படுவதால், தேர்வு செய்வதில் சிரமம் இருந்தாலும், வசதிகளை வைத்து பார்க்கும்போது எச்டிசி இவோ 4ஜி மனதை தன்பக்கம் இழுக்கிறது.

சனி கிரகத்தின் நிலவிலிருந்து வெளியேறும் உப்பு நீ்ர்!

வாஷிங்டன்: சனி கிரகத்தின் நிலவுகளில் ஒன்றான என்கிளேடஸில் உப்பு நீர் (liquid salt water ) இருப்பது கண்டுபிடிக்கப்பட்டுள்ளது.

அமெரிக்க விண்வெளி ஆய்வு மையமான நாஸா அனுப்பிய கேசினி விண்கலம், இந்த நிலவிலிருந்து வெளியேறும் துகள்களை கைப்பற்றிய கேசினி விண்கலம், அதை Cosmic Dust Analyser கருவி மூலம் ஆராய்ந்து உப்பு நீர் இருப்பதை உறுதிப்படுத்தியுள்ளது.

சனி கிரகத்திற்கு 19 நிலவுகள் இருப்பது இதுவரை கண்டுபிடிக்கப்பட்டது. (இன்னும் கூட பல நிலவுகள் இருக்கலாம்). அதில் என்கிளேடஸ் நிலவிலிருந்து நீர்த் துகள்கள் வெளியேறுவதை கேசினி விண்கலம் 2005ம் ஆண்டில் கண்டுபிடித்தது.

இந்த துகள்கள் சனி கிரகத்தை சுற்றி ஒரு வளையத்தையே ஏற்படுத்தியுள்ளதும் தெரியவந்தது. சனி கிரகத்தைச் சுற்றி ஏராளமான வளையங்கள் உண்டு. அதில் ஒரு வளையம் உருவாக இந்த நீர்த் துகள்கள் காரணமாகியுள்ளன.

இதையடுத்து 2008, 2009 ஆகிய ஆண்டுகளில் கேசினியை இந்த நிலவை நோக்கித் திருப்பியது நாஸா. இந்த நிலவை மிக நெருக்கமாக நெருங்கிச் சென்ற கேசினி விண்கலம் அதிலிருந்து வெளியேறும் துகள்களை டஸ்ட் அனலைசர் மூலம் ஆராய்ந்தது.

அதன்முலம் கிடைத்த விவரங்களை இரு ஆண்டுகளாக ஆய்வு செய்த நாஸா, இந்த நிலவிலிருந்து உப்பு நீர் வெளியேறுவதை உறுதி செய்துள்ளது. சூரியனிலிருந்து வெகு தூரத்தில் உள்ள இந்த நிலவிலிருந்து வெளியேறும் நீர் உடனடியாக பனிக் கட்டிகளாக மாறி சனி கிரகத்தை சுற்றி வரும் கோடிக்கணக்கான துகள்களில் ஒன்றாக இணைந்து வளையமாக மாறிவிடுகிறது.

திருப்பதி ஏழுமலையான் கோயிலுக்கு ரினால்ட் புளூயன்ஸ் கார் நன்கொடை

திருமலை: திருப்பதி ஏழுமலையான் கோயிலுக்கு ரினால்ட் நிறுவனம் சமீபத்தில் அறிமுகப்படுத்திய புத்தம் புதிய ரினால்ட் கார் நன்கொடையாக வழங்கப்பட்டது.

மஹிந்திராவுடன் கூட்டை முறித்துக்கொண்ட பிரான்சை சேர்ந்த ரினால்ட் கார் நிறுவனம் இந்திய சந்தையில் தனித்து களமிறங்கியுள்ளது.

தனது முதல் அறிமுகமாக புத்தம் புதிய புளூயன்ஸ் செடான் சொகுசு காரை சமீபத்தில் இந்திய சந்தையில் களமிறக்கியது.

இந்த நிலையில், இந்திய சந்தையில் அமோக வெற்றி பெறுவதற்கு ஏழுமலையானின் அருள் கிடைக்க வேண்டி, அந்த நிறுவனம் புத்தம் புதிய புளூயன்ஸ் காரை திருப்பதி கோயிலுக்கு நன்கொடையாக வழங்கியுள்ளது.

ஆந்தி்ர பிரதேச பிஜேபி செய்திதொடர்பாளர் பானு பிரகாஷ் ரெட்டி, திருப்பதி தேவஸ்தான இணை நிர்வாக அதிகாரி சீனிவாச ரெட்டியிடம் கார் சாவியை ஒப்படைத்தார்.

இந்த கார் ரூ.15 லட்சம் மதிப்பு கொண்டது என்பது குறிப்பிடத்தக்கது.

Jun 22, 2011 4 Google English to Tamil Translate கூகுளின் ஆங்கிலத்தில் இருந்து தமிழுக்கு மொழிபெயர்க்கும் வசதி

வணக்கம் நண்பர்களே நமக்கெல்லாம் எட்டாக்கணியாக இருந்த மொழிபெயர்ப்பு வசதி இப்போது கூகுள் அறிமுகபடுத்தியிருக்கிறது அவசியமாக இந்த விஷயத்தை பொருத்தவரை இதை ஒரு மைல் கல்லாகவே நான் கருதுகிறேன் இனி காலதாமாதபடுத்த விரும்பவில்லை இந்த பதிவை பற்றி அதிகம் எழுதபோவதில்லை நீங்களே இதை உணர்வீர்கள் இனி ஆங்கிலம் எழுத படிக்க தெரியாது என்பது ஒரு குறையாகவே இருக்காது.

என்னை பொருத்த வரை இனி வருங்காலங்களில் தமிழ் உலக அளவில் படிக்கப்படும் அது வலைத்தளங்களாக இருந்தாலும் சரி செய்திகள் என்றாலும் சரி நிச்சியம் உலக அளவில் தமிழின் வளர்ச்சிக்கு உதவும் அதோடு நிற்காது இப்போது மறைக்கப்பட்டு கொண்டிருக்கும் நிகழ்வுகள் கூட மேலே நாட்டினர் அறியும் காலம் வெகு தொலைவில் இல்லை.

Google English to Tamil Translater (கூகுள் ஆங்கிலம்-தமிழ்-ஆங்கிலம் மொழிபெயர்ப்பு

நான் கீழே இனைத்திருக்கும் படத்தை பாருங்கள் புரியும்.



என்ன நண்பர்களே இந்த பதிவு உங்களுக்கு பயனுள்ளதாகவும், உபயோகபடும்படியாக இருக்குமென்றே நம்புகிறேன் இதை இதோடு விட்டுவிடாமல் தாங்கள் தெரிந்துகொண்ட தகவலை தங்கள் நண்பர்களுக்கும், உறவிணர்களுக்கும் அறிமுகபடுத்துங்கள் அவர்களும் தெரிந்துகொள்ளட்டும்.

குறிப்பு: சின்ன சின்ன பாரட்டுகளிலும் அங்கீகாரத்திலும் வாழ்க்கையின் சுவராஸ்யம் பல மடங்கு அதிகரிக்கும் அதற்கு நான் மட்டும் விதிவிலக்கா? பாரட்டுங்கள் நட்பை கொண்டாடுங்கள், குறைகளை சுட்டிகாட்டுங்கள் நிறைகளை பகிர்ந்து கொள்ளுங்கள்.


வாழ்க வளமுடன்



என்றும் அன்புடன்
வெங்கடேஷ்